Алматы жеке инвестициялардын көлөмү боюнча региондор арасында алдыңкы орунда турат. Үстүбүздөгү жылдын тогуз айында негизги капиталга инвестициянын көлөмү 22,1 пайызга өскөн. Бул тууралуу шаар мэри президент Касым-Жомарт Токаевдин кабыл алуусунда билдирди. Ерболат Досаевдин айтымында, шаарда ишкердик активдүү күч алууда. Отчеттук мезгилде чакан жана орто бизнестин субъекттеринин саны 37,2 пайызга өскөн. Ошондой эле президентке Алматы шаарын 2025-жылга чейин өнүктүрүү программасын ишке ашыруу, 2040-жылга чейин жаңы башкы планды иштеп чыгуу тууралуу айтып берди. Жыйындын соңунда мамлекет башчысы шаардын экономикасын мындан ары ар тараптандыруу, инфраструктурасын жаңыртуу боюнча тапшырма берди.
Которгон: Илгиз Жамалбеков
