Казакстан келечекте аймактык крипто-хабга айланышы мүмкүн. Астана эл аралык каржы борборунда банктар менен криптобиржаларынын ортосунда пилоттук долбоор ишке ашырылууда. Адистердин айтымында, бул өлкөдөгү санариптик активдердин соодасын жөнгө салууга мүмкүндүк берет. Ошондуктан чекене жана кесипкөй инвесторлордун укуктарын коргоону камсыздайт. Долбоор жыл аягына чейин уланат. Эгерде ал ийгиликтүү ишке ашса, улуттук мыйзамдарга жана Астана эл аралык каржы борборунун актыларына тиешелүү түзөтүүлөр киргизилет.
Ягуб Заманов, АЭКБ каржылык кызматтарды жөнгө салуу боюнча финтех комитети департаментинин мүдүрү:
- Бул долбоор Fiat акчаларын жөнгө салынган чөйрөдө криптовалюталарга алмашууну камсыз кылууга багытталган. Бул жаатта криптобиржа AFSA каржылык кызматтарды жөнгө салуу боюнча АЭКБнын комитети болот. Ал эми Улуттук банк банктарды жөнгө салуучу орган катары кала берет. Пилоттук долбоордун алкагында инвесторлорго алгач миң доллар көлөмүндө чектөө коюлат. Бул капиталды жоготуу жагынан аларды тобокелдиктерден чектөөгө багытталган чара. Келээрки жылы бул пилоттук долбоордун бир бөлүгү катары эмес, кадимки нормативдик шарттарда уланат деп үмүттөнөбүз.
Адистердин айтымында, криптовалюталарды fiat сызыкчаларына айландыруу, башкача айтканда, аларды өлкөнүн банктары аркылуу накталай акчага алмаштыруу мыйзамсыз операцияларды, анын ичинде арам акчаны адалдоону алдын алат. Мындан тышкары, бул криптобиржа кызматынын ачыктыгын камсыз кылат. Долбоорго катышуу үчүн бир нече маанилүү кадамдарды аткаруу керек.
Ягуб Заманов, АЭКБ каржылык кызматтарды жөнгө салуу боюнча финтех комитети департаментинин мүдүрү:
- Жөндөө иштери төмөнкүдөй жүргүзүлөт. Биринчиден, пилоттук долбоорго катышууну көздөгөн криптобиржа АЭКБнан жана каржылык кызматтарды жөнгө салуу комитетинен лицензия алышы керек. Ага ылайык, андан кийин АЭКБ, Каржы рыногун жөнгө салуу жана өнүктүрүү агенттигинин, Улуттук банктын, Финансылык мониторинг агенттигинин жана Каржылык көзөмөл агенттигинин комитеттеринен турган жумушчу топко жөнөтүлөт. Эгер криптобиржасынын арызы жактырылса, анда ал кызматташууга макул болгон банк менен пилоттук долбоорго катышуу укугун алат. Андан кийин, криптобиржалар реалдуу кардарлар менен иштей алат, ал Республиканын резиденттери болушу же болбошу мүмкүн.
Астана эл аралык каржы борборунун Каржы кызмат көрсөтүүлөрдү жөнгө салуу комитети бул долбоор криптоиндустриясынын мындан аркы өнүгүшүнө чоң түрткү берээрин жана Казакстандын инвестициялык тартымдуулугун арттыраарын билдирди. Ошентип, өлкө криптобизнести жүргүзүү жана виртуалдык валюталар менен транзакцияларды жасоо боюнча эң ылайыктуу мамлекеттердин бири боло алат.
Которгон: Илгиз Жамалбеков
Веб-редактор: Admin
Oкшош жаңылыктар
