2021-жылы Алматы шаарында туристтердин санын 25% га көбөйтүү мерчемделип жатат. Бул тууралуу мегаполистин профилдик башкармалыгынан билдиришти. Ошентип, үстүбүздөгү жылы бул жерге өлкөнүн аймактарынан жана чет өлкөлөрдөн кеминде бир миллион конок келиши күтүлүүдө.
Туризм департаменти Казакстандын ар бир экинчи чет элдик туристти Алматыга барат деп белгилейт. Мындан тышкары, түштүк мегаполистин кооздугун көрүү үчүн көбүнчө коңшу Орусиядан коноктор көп келет. Рейтингде экинчи орунда Кытай Эл Республикасынын туристери турат. Алардын 6% Өзбекстандан келгендер. Кыргызстан менен Индиядан келгендер 5%ды түзөт. Ошондой эле Түркия, Түштүк Корея, Германия, АКШ, Франция, Италия, Гонконг жана Жапониядан туристтердин агымы бар.
2020-жылы туризм тармагы коронавирус пандемиясынан улам эң көп жапа чеккен тармак болуп калды. Эл аралык Туризм Уюмунун эсептөөлөрү боюнча, 2020-жылдын 10 айында дүйнө жүзү боюнча эл аралык туристтик агымдар 72% га төмөндөгөн. Ушундай эле абал Алматы шаарында дагы байкалууда. Акыркы 11 айда шаарга 152 миңден бир аз ашыгыраак туристтер келишти. Бул былтыркы жылга салыштырмалуу 72,5% га аз. Ички туристтердин саны 422 миңди түздү.
