Жазғы лагерьде ежелгі қазақ дәстүрлері насихатталады

Алматыда мектептердің жанынан этнолагерьлер жұмысын бастады. Онда бастауыш сынып оқушылары бірнеше жылдан бері жазғы демалыстарын өткізеді. Балалар мұнда қазақ халқының ежелгі тұрмыс салты және дәстүр-мәдениетімен жақын танысады. Осы бағытта арнайы бағдарлама әзірленген. Жеткіншектер ұлттық киім тігуге дағдыланып, ою-өрнек жасайды. Дәстүрлі тағамдарды әзірлеуге машықтанады. Оқушылар тіпті ұлттық аспап - домбыра тартуды да үйренеді. Асық ату сияқты дәстүрлі спорттық ойындар да бағдарламаға еніп отыр.

Сандуғаш Салмекеева, Алматы қаласының тұрғыны:

- Жылда болатын «Қазына» этнолагері ата-аналарды ерекше қуантады. Себебі біріншіден балалар пайдасы мен зияны қатар жүретін гаджеттерден демалады. Екіншіден өзіміздің салт дәстүрімізді, көптеген ұлттық дүниелерімізді насихаттайды. Біздің отбасына қатты ұнайды. Ата-аналар үшін бұл керемет көмек.

Веб-редактор: Айнұр Досан