Түрікменстанда астық жинау жұмыстары аяқталды

Түрікменстанда астық жинау жұмыстары ойдағыдай аяқталды. Шаруалар бір жарым миллион тонна бидай жинады. Бұл елдің қажеттілігін қанағаттандыру үшін жеткілікті. Жаңа өнім сорттарын әзірлеуді қоса алғанда, барлық кезеңде жұмыс жүргізу үшін қолайлы жағдай жасаудың арқасында мол өнім алу мүмкін болды. Селекциялық жұмыстың нәтижесінде республикада «Сердар», «Аркадаг» және «Пырағы» атты бидайдың жаңа түрлері - шығарылды. Тағы бір фактор шаруалардан мемлекеттік сатып алу бағасының екі еседен астам өсуі болды. Бұл ауыл шаруашылығы өндірісін ынталандыруға және елдің азық-түлік қауіпсіздігін нығайтуға мүмкіндік берді. Сондай-ақ, ел өңірлерінде заманауи астық қабылдау орындары, элеваторлар, диірмен кешендері іске қосылды. Айта кетейік, республикада жалпы 700 мың гектар жерден өнім жиналды.

Отар Құрбанбаев, Шаруашылық басшысы:

- Бізге егуден бастап жинауға дейінгі кезеңде қажетті нәрсенің барлығы, соның ішінде озық ауылшаруашылық техникасы да  ұсынылды. Соның арқасында біз қысқа мерзім ішінде аз шығынмен өнім жинау жұмыстарын жүргіздік. Техника сенімді әрі өнімділігі жоғары. Ең маңыздысы, оларды әрқашан мобильді бригадалар бақылап отырды: жанар май, қосалқы бөлшектер, жөндеу - барлығы кідіріссіз, тез арада жасалады.

Гадамжан Амашаев, Шаруашылық басшысы:

- Біздің шаруашылығымыз үшін бұл жыл өте ауыр, бірақ жемісті болды. Ұжым күзден бері тынымсыз жұмыс істеді. Астық тиелген көліктер бірінен соң бірі өз еңбегіңнің нәтижесін тасып жатқанын көргенде, кеудеңді мақтаныш кернейді.

Веб-редактор: Айнұр Досан