Қазақстан мен Өзбекстан Президенттері шағын құрамда келіссөздер жүргізді. Бұған дейін республикамызға мемлекеттік сапармен келген Шавкат Мирзиёевті Ақордада қарсы алу салтанатты рәсімі өтті. Екі елдің көшбасшылары бір-біріне ресми делегация мүшелерін таныстырды. Кейін Құрмет қарауылының бастығы президенттерге рапорт беріп, екі мемлекеттің әнұрандары шырқалды.
Мемлекет басшысы Қасым-Жомарт Тоқаев Өзбекстан Президентіне ілтипат білдіре отырып, бұл сапар екі ел арасындағы ынтымақтастық пен одақтастықты дамытуға тың серпін беретінін атап өтті. Ал қол қойылған құжаттар өзара іс-қимылдың нақты бағыттарын айқындайды. Өз кезегінде көрші ел көшбасшысы Шавкат Мирзиёев кездесу екі республиканың қарым-қатынасын жаңа деңгейге көтеретінін атап өтті. Қос тарап Президенттері қазақ-өзбек қатынастары барлық бағыт бойынша өркендеп келе жатқанын атап өтті.
Веб-редактор: Айдана Нагиева
Сондай-ақ
