Тяньцзинде өтетін ШЫҰ саммитіне төрткүл дүние көз тігіп отыр. Ұйымның
Мемлекет басшылары кеңесінің 25-ші мерейтойлық отырысына 20-дан астам елдің
көшбасшылары мен 10 халықаралық ұйым өкілдері қатысады деп күтілуде. ШЫҰ
төрағалық ету мәртебесі былтыр шілде айында Астанадағы саммиттен кейін
Қазақстаннан Қытайға көшті. Онда да алғаш рет «ШЫҰ +» форматындағы кездесу өткен
болатын. Бүгінде екі ел стратегиялық серіктес. Өткен жылдың қорытындысы бойынша
екіжақты сауда көлемі рекордтық 43,8 млрд долларға жетті. Жасыл энергетика мен
білім беру саласындағы көлік дәліздері мен бірлескен жобалар белсенді дамып
келеді. CGTN шолушысы Хань Сюйлиннің айтуынша, саммит өңірлік сауда,
инновациялар мен экологиялық бастамаларға жаңа серпін береді деп күтілуде.
Хань Сюйлинь, CGTN телеарнасының
шолушысы:
- Бүгінде Қытай мен
Қазақстан арасында екі теміржол өткелі жұмыс істейді, қазіргі таңда үшіншісінің
құрылысы жүріп жатыр. Ляньюнганда, Қытайдың шығыс жағалауында логистикалық база
құрылды, бұл Қазақстанға теңізге және Азия-Тынық мұхиты өңірінің кең нарығына
шығуға мүмкіндік береді. Тяньцзинь саммиті тәжірибелі ынтымақтастық үшін үлкен
мүмкіндіктер ашады. Ұйым шеңберіндегі өзара іс-қимылды жаңа деңгейге көтереді.
Си Цзиньпинь ШЫҰ одан әрі дамыту жөнінде жаңа бастама көтереді. Бұдан басқа,
ШЫҰ үшін дәстүрлі салаларда жаңа жоспарлар жасалуы мүмкін, оның ішінде өңірлік
қауіпсіздікті, басқа да экономикалық өзара іс-қимылды қамтамасыз ету жағы бар.
1. Жасанды интеллектті қолданасыз ба?
Сондай-ақ
