Роллан Сейсенбаев секілді қайсар мінезді, батыл адамға, сірә, тәуекел мен табандылық таныту үйреншікті болар. Оның үстіне қазақ күресі, еркін күрес, самбо бойынша республика жеңімпазының бойынан, әрине, ерік пен жігер, қажыр мен қайрат артығымен табылады.
Ролланның мамандығы геофизик болғанымен, өмірде мүлде басқа жолды таңдады. Студент кезінен әдеби шығармалар жаза бастаған жас маман оқу бітірген соң аз уақыт газетте, телевизияда журналист болып істеді. Тек содан соң ғана әдебиет табалдырығын аттауға бел буды.
Роллан Сейсенбаев – көптеген роман мен повестің авторы. Жазушының туындыларының бәрі де көрнекті әрі терең мағыналы, олардың бәрін де оқып шығу керек. Ал бағдарламаның бұл шығарылымында Роллан Сейсенбаевтың «Өлілер құмды кезіп жүр» атты философиялық романына тереңірек үңілетін боласыздар!
