Қазақстан Тәуелсіздігінің 30 жылдығына «30 игі іс». Егеменді елдің мерейтойына орай қолға алынған игі шараға қазақстандықтар белсенділік танытып жатыр. Қайырымды жандардың қатарында «Otandastar Qory» бар. Олар Нұр-Сұлтан қаласындағы саябақтардың бірінде жасыл желек көшеттерін екті. Акцияға Ыстамбұл, Ташкент, Омбы және Киевтегі қазақстандықтар да атсалысты.
Мағауия Сарбасов, «Otandastar Qory» вице-президенті:
- Қаланы көгалдандыруға өз үлесімізді қосып жатырмыз. Бұл шара Президенттің 5 жылдың ішінде 15 млн ағаш отырғызу қажет деген тапсырмасын жүзеге асыру аясында қолға алынған. Сондай-ақ Елбасымыз елордамен оның айналасын жасылдандырудың маңызын айтқан болатын. Бұл шара күзде де жалғасын табады.
