Елордада «Туған жерім» атты XV халықаралық бейнелеу өнері байқауына қатысушы балалар туындыларының көрмесі ашылды. 2004 жылы қалалық деңгейде өткен шара бүгінде халықаралық деңгейге өскен. Биылғы шараға 400-ден астам жас дарынның жұмысы қазылар назарына ұсынылып, оның 31-і іріктеп алынды. Байқауда Әзербайжан, Беларусь, Башқұртстан, Молдова, Татарстан, Өзбекстан, Украина, Ресей және Қазақстан елдерінің өкілдері бақ сынады. Іс-шара Елбасы кітапханасы, елордадағы заманауи өнер орталығының, Нұр–Сұлтан қаласының Балалар көркемсурет мектебі ЮНЕСКО клубының қолдауымен ұйымдастырылды.
КҮЛӘЙША АҚТАЕВА, ҚР ТҰҢҒЫШ ПРЕЗИДЕНТІ – ЕЛБАСЫ КІТАПХАНАСЫ ДИРЕКТОРЫНЫҢ ОРЫНБАСАРЫ:
– Қазан айында марапаттау рәсімін онлайн форматта өткізген болатынбыз. Енді қазіргі кезде бұл шараға 15 жыл болды сондай салтанатты іс-шара, енді пандемияға қарамастан, ұйымдастырушылар болып бірлесіп, үлкен каталог баспаға дайындауға ниеттеніп отырмыз. Өйткені қазіргі кезде ең маңыздысы – 15 жыл толған халықаралық деңгейдегі конкурстың әрбір ерекше атап өтетін кезеңдерін көрсеткен жөн болады деп ойлаймыз.
