Мемлекет басшысы Швейцария Ұлттық банкін басқарушылар кеңесінің төрағасын қабылдады

Бүгін Ақордада Президент Қасым-Жомарт Тоқаевпен Швейцария Ұлттық банкін басқарушылар кеңесінің төрағасы Мартин Шлегельдің қатысуымен өткен кездесу барысында Қазақстан мен Швейцария Ұлттық банкі арасындағы ынтымақтастықты одан әрі дамыту мәселелері талқыланды. Қасым-Жомарт Тоқаев швейцариялық мамандар Қазақстанның Ұлттық банкіне тәуекелдерді басқару және төлем жүйелері бағыттары бойынша техникалық көмек көрсететінін атап өтті. Өз кезегінде Мартин Шлегель Қазақстан мен Швейцария ұлттық банктері арасында цифрлық қаржы салаларындағы өзара ықпалдастық аясын кеңейтуге ниетті екенін жеткізді. Сонымен қатар, кездесу барысында ұлттық валюталарға сенімді күшейту, валюта нарығын нығайту мәселелері қарастырылды.

Веб-редактор: Айнұр Досан