2025 жылы Қазақстан арқылы жүк транзиті 20% астам өсіп, 33 млн тоннаны
құрады. Бұл жөнінде Президентке «Қазақстан темір жолы» басқарма төрағасы
баяндады. Талғат Алдыбергенов Қасым-Жомарт Тоқаевты компанияның өткен жылы
атқарған қызметінің нәтижелерімен таныстырды. Оның дерегінше, тарифтік жүк
айналымы 10% артып, экспорттық жеткізілімдер 90 млн тоннаға жуықтаған.
Осылайша, жалпы тасымал көлемі 320 млн тоннаға дейін жеткен. Қазақстанда көлік
инфрақұрылымын дамыту қарқын алды. Осылайша, былтыр пайдалануға берілген Достық
– Мойынты темір жолының екінші желісі арқылы 6 млн тонна немесе 100 мың
вагоннан аса жүк жеткізілген. Алматы бекетін айналып өтетін темір жолдағы
техникалық қозғалысқа рұқсат етілді. Теміржол инфрақұрылымдарын тарту және
жаңғырту жұмыстары жалғасуда. Олардың ұзындығы 3900 шақырымды құрайды.
Сондай-ақ, салада цифрлық жобалар жүзеге асырылуда. Президент компанияны
трансформациялауды жалғастыруды және мультимодальдық логистиканы дамыту жөнінде
тапсырма берді.
1. Жасанды интеллектті қолданасыз ба?
Сондай-ақ
