Қазақстан саяхаттап келуге болатын үздік елдердің қатарында. Еліміз әйгілі
Lonely Planet басылымының құрастырған Best in Travel 2025 рейтингіне енді. Жыл
сайын журнал сарапшылары саяхатшылар мен туризм саласындағы мамандардың
ұсыныстарына сүйене отырып, жаңа бағыттарды мұқият іріктейді. Қазақстан
шетелдік бағалаушыларды өзге мемлекеттердің арасында бай тарихымен, алуан түрлі
табиғаты және бірегей мәдени мұрасымен баурап алған. Біздің еліміз әрбір саяхатшыға
ежелгі дәстүрлер мен қазіргі заманның тоғысқан жері ретінде көрсетіліп, ерекше
әсер сыйлайды.
Даниел Сержанұлы, Kazakh Tourism ҰК Басқарма төрағасының орынбасары:
- Lonely Planet атты әйгілі халықаралық саяхат журналы Қазақстанды 2025
жылы саяхатқа тұрарлық ең үздік елдердің қатарына қосып отыр. Жалпы бұл тізімге
жыл сайын топ 10 мемлекет, топ 10 қала сияқты категориялар кіреді. Бұл тізім
Best in Travel деп аталды. Жалпы 15-рет шығып отыр бұл тізім.
Естеріңізге сала кетейік, Қазақстан өзге де әлемге әйгілі тревел-басылымдардың
назарын аударды. Еліміздің туристік әлеуетіне «Conde Nast Traveler» және
«Wanderlust» өз бағасын берді. Олар республиканы биыл саяхат үшін әлемнің үздік
дестинацияларының қатарына қосты, ал Алматы қаласы New York Times нұсқасы
бойынша үздік 52 елдің туристік
бағыттарына кірді.
Авторы: Әсел Күшенғалиева
