Қасым-Жомарт Тоқаев Ұлттық құрылтайдың бесінші отырысын өткізу күнін
белгіледі. Жиын биыл 20 қаңтарда Қызылорда қаласында өтпек. Бұл жөнінде Парламенттік
реформа бойынша кезекті жұмыс кеңесінде белгілі болды. Оны Қасым-Жомарт Тоқаев Мемлекеттік
кеңесші Ерлан Қарин және Президенттің құқықтық мәселелер жөніндегі көмекшісі
Ержан Жиенбаевпен өткізді. Ерлан Қарин Мемлекет басшысына Жұмыс тобының 9
қаңтарда өткен отырысында болашақ бір палаталы Парламенттің мәртебесін,
өкілеттіктері мен функцияларын анықтауға, сондай-ақ биліктің басқа да
тармақтарымен өзара іс-қимылына қатысты тәсілдер әзірленгенін айтты. 15
қаңтарға жоспарланған келесі отырыста жаңа Парламенттің басты мемлекеттік
институттардың қызметін қамтамасыз ету өкілеттіктері талқыланады. Ержан
Жиенбаев Қасым-Жомарт Тоқаевты конституциялық реформаға қатысты Жұмыс тобы
мүшелері мен жұртшылықтан келіп түскен жаңа ұсыныстармен таныстырды. Президент
барлық пікір мен бастаманы ескеру қажет екенін атап өтті. Сондай-ақ,
конституциялық реформа бойынша түпкілікті шешімді ел азаматтары жалпыұлттық
референдумда қабылдайтынын мәлімдеді.
1. Жасанды интеллектті қолданасыз ба?
Сондай-ақ
