Халықаралық саясаттағы сын-қатерлердің алдын алу мен шешімін табуда БҰҰ Қауіпсіздік Кеңесі қауқарсыздық танытып отыр. Бұл туралы Қазақстан Президенті Қатар экономикалық форумының арнайы панельдік сессиясында мәлімдеді. Сұрақ-жауап форматында өткен ашық талқылау барысында Қазақстан Президенті халықаралық саясаттағы сын-қатерлер бойынша, әсіресе Еуропада болып жатқан геосаяси текетірестер аясында Ресей-Украина қақтығысы төңірегіндегі оқиғаларға қатысты бірқатар сұраққа жауап берді. Қазақстан Президенті келіссөздерді жалғастыра берудің маңызды екенін атап өтті. Қасым-Жомарт Тоқаевтың пікірінше, бұл қақтығысты шешуге тараптардың ерік-жігері қажет.
Қасым-Жомарт Тоқаев, Қазақстан Республикасының Президенті:
– БҰҰ ешқашан мұндай ыңғайсыз жағдайға тап болған емес. Тіпті «Қырғи-қабақ соғыс» кезінде де Біріккен Ұлттар Ұйымының бірлігі бұдан әлдеқайда мығым еді. Мен БҰҰ-ның болашағына қатты алаңдаймын. Осы ретте, көпқырлы саясатқа сенемін. Бұл ретте мен халықаралық қауымдастықтың бірлік танытып, ынтымақтаса отырып, екі мемлекеттің бейбіт бітімге келуі үшін оң ықпал етуі керек деп санаймын.
Веб-редактор: Admin
Сондай-ақ
