Германияда Түркіменстан экономикасы күндері өтті

Майындағы Франкфурт қаласында Түркіменстанның экономика күндері өтті. Екі күндік іс-шараға екі елдің министрліктері мен ведомстволарының өкілдері, сондай-ақ ірі компаниялар мен қаржы институттарының басшылары жиналды. Тараптар сауда-экономикалық ынтымақтастық, өнеркәсіп, көлік, логистика және энергетикалық әріптестік әлеуетін талқылады. Цифрлық трансформация және электрондық үкімет құру мәселелеріне ерекше назар аударылды. Өзара іс-қимылдың басым бағыттарының бірі - инновациялар, аграрлық сектор, су ресурстарын тиімді басқару. Қатысушылар Түрікменстанның химия саласын ұзақ мерзімді дамыту стратегиясын жеке қарастырды. Бұл құжат табиғи газды ұтымды пайдалануға, сондай-ақ салаға экологиялық технологияларды енгізуге негізделген. Талқылаулар пленарлық отырыстар, B2B- және B2G-кездесулер шеңберінде өтті. Ал жиын соңында тараптар екіжақты ынтымақтастық туралы құжаттарға қол қойды. Мақсат - өзара экономикалық қарым-қатынастарды нығайту.

Пэр Бродерзен, Герман агробизнес альянсының басқарушы директоры:

- Біз осы сектордың өнімділігін арттыру үшін Түркіменстанның аргарық саласын жаңғыртудың тың жолдары мен жаңа мүмкіндіктерін ұсынамыз. Бұл ең алдымен халықтың қауіпсіздігі мен азық-түлікпен қамтамасыз ету үшін қажет. Осыған қатысты ортақ сын-қатерлерді әлі де бірлесіп талқылайтын боламыз.  

Питер Саксе, «John Deere» ТМД-ғы өкілі:

- Біз неміс нарығындағы ірі ауыл шаруашылығы техникасын өндіретін американдық компаниямыз. Бұл ретте түрікмен нарығындағы қызметімізге де 30 жыл болғанын айта кету керек. Өзіміздің тәжірибеміз бен ынтымақтастығымызды жоғары бағалаймыз.

Веб-редактор: Айнұр Досан