Денсаулық сақтау министрі қазақстандықтардың өмір сүру ұзақтығы өскені жөнінде баяндады

Қазақстандықтардың орташа өмір сүру ұзақтығы 75,4 жасқа жеткен. Бұл – әлемдік орташа деңгейден жоғары көрсеткіш. Еліміздегі жалпы өлім-жітім 3% төмендеді. Былтыр алғаш рет ана мен бала өлімі ең аз көлемде тіркелді. Бұл жөнінде Мемлекет басшысына денсаулық сақтау министрі баяндады. Ақмарал Әлназарованың дерегінше, былтырмен салыстырғанда дәрігерлер тапшылығы 19% азайған. Мемлекет басшысы елді мекендердегі алғашқы медициналық-санитарлық көмек көрсету нысандарының құрылысын жыл соңына дейін аяқтау, міндетті медициналық сақтандыру жүйесін тиімді ету, аса маңызды дәрі-дәрмектердің отандық өндірісін дамыту және медициналық көмектің сапасы мен қолжетімділігін арттыру бойынша бірқатар міндет жүктеді. 

Веб-редактор: Нұрбек Балгүл Қайрошқызы