Астанада Бикен Римова атындағы Талдықорған драма театрының гастрольдік сапары өтті. Өнер ұжымы елорда тұрғындары мен қонақтарының назарына екі қойылым ұсынды. Оның бірі жас драматург Қолғанат Мұраттың «Мұғалім» атты сахналық туындысының тұсауы кесілді. Әлеуметтік драма ұстаздардың мәртебесін асыруға бағытталған. Оқиға желісі бүгінгі тәлімберуші мен шәкірт арасындағы күрделі қарым-қатынас жөнінде өрбиді. Сондай-ақ өнерсүйер қауым Бикен Римованың қаламынан туған «Қос мұңлық» атты қойылымды тамашалады. Спектакльде қоғамдағы қарттар мәселесі қозғалады. Айта кетейік, театрдың биылғы гастрольдік сапарлары Қазақстанның Халық әртісі Бикен Римованың 100 жылдық мерейтойы аясында өтуде. Сахна саңлағының туған күні ТҮРКІСОЙ деңгейінде ұлықталуда. Жылдың соңына дейін халықаралық ұйымның қолдауымен Анкара мен Ыстамбұл қалаларында дарын иесінің өмірі мен шығармашылығына арналған жылжымалы көрме ұйымдастырылады. Бұған қоса Бикен Римованың құрметіне елімізде халықаралық театр байқауы өтеді.
Ерлік Жуасбек, Б.Римова атындағы Талдықорған драма театрының
директоры:
– 29 қыркүйек пен 4 қазан аралығында халықаралық деңгейде
өтетін фестиваль. Жер жәннаты Жетісуда облыс әкімдігінің және ТҮРКІСОЙДЫҢ
қолдауымен шет мемлекеттерден 5 театр келіп бәйгеде өздерінің өнерін көрсетеді
және республикамыздың 6 театры қатысатын болады. Шетелден Әзербайжан, Түркия
мемлекеті бар, Қырғызстан мен Өзбекстан сияқты мемлекеттерден құралған өнер
майталмандары келіп өнерлерін көрсетеді
