Астанада бірінші «Орталық Азия - Италия» саммиті басталды

Астанада бірінші «Орталық Азия — Италия» саммиті басталды. Қазақстан алқалы жиынға қатысатын мемлекет басшыларын қарсы алды. Елордаға Қырғызстан, Өзбекстан, Түркіменстан және Тәжікстан Президенттері келді. Саммитке Италия Премьер-министрі де қатысып жатыр. Басқосуда тараптар өңіраралық сауда, инвестиция, энергетика, экология, көлік, логистика, білім және ғылым саласындағы ынтымақтастық келешегін пысықтайды. Айта кетейік, Италия - Орталық Азия аймағының стратегиялық маңыздылығын мойындаған және С5+1 форматындағы диалогқа қосылған Еуроодақтағы алғашқы мемлекеттердің бірі. 

Веб-редактор: Нұрбек Балгүл Қайрошқызы