Стриминг сервиси саркарда Амир Темур ҳаёти ва давлатчилик тарихига бағишланган фильм суратга олади. Тўла метражли тарихий картинани суратга олиш ишлари 2023 йил апрель-май ойларида амалга оширилади, январь-март ойларида эса тайёргарлик ишлари ўтказилади. Экстерьер суратга олиш ишларининг кўп қисми Қозоғистонда, интерьердагилар Ўзбекистонда тасвирга олиниши кутилмоқда. Фильм ижодкорлари унда ишлайдиган оператор ва либослар рассомидан тортиб, маъмурий ходимларгача Қозоғистон мутахассисларидан танлаб олишни режалаштирган.
Жайдарбек Кунгужинов, Nomad Stunts профессионал каскадёрлар халқаро гуруҳи раҳбари:
– Уларга шу ерда суратга олишни таклиф қилдим. Чунки лойиҳа Қозоғистонда амалга оширилиши мен учун жуда муҳим. Аҳамиятли лойиҳаларни жалб этишимиз керак. Менимча, яхшигина янгилик бўлади. Ҳаммаси кўнгилдагидек ўтса, Америка майдончаларига йўл очилади. Биздаги суратга олиш майдончалари, чиройли локациялар уларни ўзига тортишига умид қиламан. Биз актёрларни тайёрлаймиз, қиличбозлик, чавандозлик саҳналари учун жавоб берамиз. Қайсидир қисмларда дублёрларни танлаб оламиз, трюклар қўямиз. Барча қалтис вазиятларни атиги тўрт ҳафта ичида суратга олишимиз зарур.
Таъкидлаш лозимки, мамлакатимиз каскадёрлари учинчи марта Netflix билан ҳамкорлик қилиши. Аввалроқ «Марко Поло» ва «Қиролга мактуб» сериалларида қатнашган. Юртдошларимиз HBO ва Apple TV+ сервислари, Disney, Universal ва бошқалар билан бирга ишлаган.
Абдумалик Сарманов таржимаси
