Қозоғистонда масофадан туриб қурбонлик қилишга ёрдам берувчи сайт ишга тушди. Фуқаролар қулайлиги учун Қурбон ҳайити арафасида уни Мусулмонлар диний бошқармаси дизайнерлари ва дастурчилари тайёрлади. Ушбу майдонча ёрдамида қозоғистонликлар «Қурбан-2022» хайрия акциясида ҳам оффлайн, ҳам онлайн-форматда қатнаша олади, дейди бош муфтий. Унинг таъкидлашича, бунинг учун сайтда қурбонликка мўлжалланган жониворни белгилаш ҳамда кўрсатилган реквизитларга маблағ юбориш етарли. Бир одам бўлса – қўй ёки эчкига буюртма бера олади, қорамол ва туяларни эса етти кишигача буюриши мумкин. Таъкидлаш лозимки, жорий йилда энг муҳим диний байрам 9 июль куни нишонланади.
Абдумалик Сарманов таржимаси.
