ЕОИИ давлатларига Қозоғистон товарлари экспорти 12 фоизга ўсди. Йил бошидан буён мамлакат 8 миллиард доллар қийматига эга маҳсулот жўнатишга улгурди. Миллий статистика бюроси берган маълумотга кўра, 9 ой давомида Қозоғистоннинг бу йўналишдаги товар айланмаси 20 ярим миллиард долларни ташкил қилди. ЕОИИ давлатларига экспорт қилинаётган маҳсулотлар қаторида транспорт воситалари, ускуналар, кимёвий саноат маҳсулотлари асосий ўрин тутади. Импорт эса асосан ўсимлик ва чорвачилик соҳаларида олинган маҳсулотлар, озиқ-овқат ва турли металл товарларидан иборат.
Абдумалик Сарманов таржимаси.
