Нур-Султандын тургуну Татьяна Привалова тарабынан 1,5 жылдан бери 30дан ашык автордук чыгарма - колго токулган куурчактар жасалган. Алгач бул адаттан тышкары хобби болуп, андан кийин - күнүмдүк жумуш жана сүйүктүү кол өнөрчүлүккө айланды деп эскерет чебер. Айымдын айтымында, ал бойго жеткенче экономист болуп иштеген жана декреттик өргүүдө гана алгач щётка, пластик, металл жана башка болочоктогу буюмдардын компоненттерин колго алган.
Татьяна Привалова, куурчак чебери:
- Мен бир аял куурчактарды айкел кылган программаны көрүп калдым, ал мени ушунчалык арбап алгандыктан мен аны кайталап көргүм келди. Менин көркөм билимим жок, бир дагы ийримге барган эмесмин, сүрөт тартууну билбейм, эскиздерди да жасабайм, мунун бардыгы интуитивдүү.
Чачтар - эчкинин жүнү, француз токулмасы, көздөр - таш мончоктор. Каалаган эффектке жетүү үчүн ар бир деталь маанилүү. Чебердин эмгеги толугу менен берилгендикти, ошондой эле, албетте, чыгармачыл дем-күчтү талап кылат.
Айгерим Акимжанова, кабарчы:
- Ангелина, Алиса, эже-сиңдилер Луиза жана Лиза, Меланья, Динара, Азерке жана Жанибек. Ар бир куурчактын өзүнүн аталышы бар. Анын үстүнө, чебердин ар бирин жасоого эки жумадан эки айга чейин убакыт талап кылынат. Ойдон чыгарылган образды чындыкка айландыруу үчүн сүрөтчү жана скульптор гана болбостон, чач тарач, стилист, тигүүчү болуш керек. Деги эле баардык нерсе чебердин фантазиясына гана байланыштуу.
Куурчактардын ар бири өзүнчө кооз. Алардын ар бири жомоктогу каармандарды эске салып, балалыктын түстүү дүйнөсүнө сүңгүп кирүүгө түрткү берет. Андай каармандардын бири – Жаныбек хан.
Татьяна Привалова, куурчак чебери:
- Казак хандыгы тасмасын көрүп хандын образын жасадым. Балким, аны жасоого актёр түрткү болду, мен аны 40 мүнөттүн ичинде тигип чыктым. Ал мен үчүн узун өмүр сүрүп, көптү көргөн хан. Башкача айтканда, мен аны жаш кылып берген жокмун. Мен аны дал өзүндөй, жашоодон көптү көргөн, каардуу, бирок ошол эле учурда кандайдыр бир сабырдуулукка үйрөткөн улуу инсан катары жасагым келди.
Азырынча кол өнөрчүнүн коллекциясында куурчактардын үч гана улуттук үлгүсү бар. Бирок Татьяна муну менен эле токтоп калбайт. Анын мерчеминде казак баатырларын жасоо бар. Чебер мындай образдар эл аралык көргөзмөлөрдө легендарлуу жоокерлердин күчүн жана кайратын көрсөтөт деп ишенет. Баса белгилей кетчү жагдай, алардын бири жакынкы күндөрү ушул айда Москвада өтөт.
Татьяна Привалова, куурчак чебери:
- Жалпысынан элдер үчүн бул кызык. Анткени эл аралык көргөзмөлөрдө коюлат. Былтыр Казакстандан эч ким катышкан жок дейли, ал эми Кыргызстандан болду. Мен өзүм кызыгып көрдүм, анткени мени куурчак гана эмес, алсак көйнөк же үйдүн жасалгасы, улуттук кийимдер кызыктырат, ар бири келип бул эмне? Эмнени билдирет, бул орнаменттин мааниси кандай? А бул эмнени түшүндүрөт деп сурашат.
Татьяна кол өнөрчүлүктүн татаалдыгына карабастан өзүн тынчтандыруучу арт-терапия катары кызмат кылат деген ишенимде. Бирок ал үчүн ага окшоп, мына ушундай ишке толук берилүү керек.
