Президент Касым-Жомарт Токаев Алматыда өтүп жаткан шахматтан дүйнө чемпионатында рапид түрү боюнча күмүш медаль жеңип алган Динара Садуакасованы куттуктады. Мамлекет башчысы Казакстандын шахматчыларынын дүйнөлүк чемпионаттагы ийгилиги өлкө үчүн чоң сыймык экенин белгиледи. Анын айтымында, эл аралык турнирлерде спортчулардын ар бир жеңиши спорттун бул түрү менен алектенген жаштарга дем берип, Казакстандын шахмат мектебинин деңгээли жогору экендигин көрсөтүп турат. Президент таланттуу шахматчыга талыкпай эмгектенип, жеңишке жетишин каалады. Ошону менен бирге мамлекет башчысы, Алматыда өтүп жаткан бул дүйнөлүк мелдеште жогорку көрсөткүчтөрдү көрсөткөн Жансая Абдималикке да каалоо-тилектерин жолдоду.
Которгон: Илгиз Жамалбеков
