Казактын улуу акыны Абай Кунанбай уулунун алгачкы жыйнагы Павлодар облусунда табылды. Түп нуска абалда сакталган баалуу экспонат 1909-жылы жарык көргөн. Мамандардын айтымында, китеп Ахмет Байтурсын уулунун чыгармаларындагыдай байыркы тамга менен жазылган. Казак адабияты үчүн баалуу материалдарды салыштырып, чоң изилдөө жүргүзүүгө болот дешет окумуштуулар.
Адилбек Амренов, араб тилинин адиси:
Китепте Абайдын ушул күнгө чейин жарык көргөн ырларынын 80%ы камтылган. Мындан тышкары Пушкин менен Лермонтовдун котормолору жакшы берилген. Китеп эски кадим тамгасы менен жазылган, аны биз азыр байыркы жазуу деп атайбыз, араб жазуусунун орто кылымдардагы түрү.
Адилбек Амренов, араб тилинин адиси:
Китеп негизинен жакшы сакталган. Абайдын фотосу берилген. Абайдын сүрөтүн башка китептерден көрө элекмин. Мына муну биринчи жолу жөнөткөндө таң калдым. Абайдын 1909-жылдагы сүрөтү бар. Айта кетейин, аталган жылы Мыржакып Дулатовдун «Ойгон, казак» деген китеби чыккан, бирок Орынбордо.
Бүгүнкү күндө бул китептин Казакстанда беш гана нускасы бар. Бири Семейдеги Абайдын корук музейинде, экинчиси «Илим» академиясында сакталып турат. Араб-фарсы жазмаларында сөздөрдүн кездешүүсү да - бул эмгектин негизги өзгөчөлүгү. Байыркы китеп Букар жырау музейинин этнографиялык экспедициялары учурунда табылган. Буга чейин музей фондуна Ахмет Байтурсын уулунун «Маса» жыйнагы тапшырылган.
Которгон: Илгиз Жамалбеков
