Адал сүт емген жақсы келіннің қолынан шай ішу сізге де, бізге де бұйырсын. Ұл өскен сайын осы сұрақ көбірек мазалайды екен. Кім қандай ене болатынын біле ме екен өзі?! Кім қандай келін болатынын біле ме екен?! Бүгін біз бағдарламамызда келін жайында әңгіме қозғаймыз. Студиямыздың құрметті қонағы – этнограф Дәулет Жайлыбаев.
Қазақ халқы келін түскенде оны құрмет тұтқан, келінге ерекше мән берген. Келінді қатты да ұстаған, бос та ұстаған. Жер бітіп, су аққалы қазақта ене мен келіннің әңгімесі ешқашан бітпеген. Сол жайында ғалым, этнограф білгенімен бөлісетін болады.
