Отандық скрипкашы Руслан Талас Венада өткен алғашқы World Vision-2022 халықаралық байқауында бас жүлде иегері атанды. Өнер жарысында скрипка, альт, виоленчель, контрабас, фортепиано және арфа аспаптарын шебер меңгерген 16 мен 35 жас аралығындағы дарындар бақ пен бап сынаған болатын. 1 жылға ұласқан додадан үздік шыққан қазақстандық музыкант енді Берлин филармониясында, Нью-Йорктегі Карнеги залы және Мәскеудегі Зарядьеде өнер көрсетуге жолдама алды. Оның айтуынша, байқау алғаш рет ұйымдастырлығанына қарамастан, бәсекелестік үлкен болған. Ал бәсеке болмай, бәйге жоқ.
Руслан Талас, скрипкашы, World Vision – 2022 байқауының жеңімпазы:
– Байқау туралы өз басым әлеуметтік желіліерден көріп білдім, себебі сонда көп жарнамаланды. Сондықтан да қатысушылар көп болды деп ойлаймын. Қателеспесем, өтініш білдіргендер саны әлемнің 109 елінен 4000 мыңдай. Бірінші рет ұйымдастырлығнанына қарамастан, ауқымды форматта өтті. Жалпы байқаудың ұзақтығы 1 жылға созылды. Алғашқы айналым аймақтық, одан кейін ұлттық, үшіншісі әлемдік деңгейде, ал төртінші айналым - финал Вена қаласындағы «Концертхаус» залында өтті. Мен секілді музыкант үшін ол залда өнер көрсету – үлкен мәртебе.
Руслан Талас өзінің жастығына қарамастан әлемдік скрипканың үздік ұстаздарынан білім алып үлгерген музыкант. Бүгінде ол Швейцариядағы Лозанна музыка академиясында магистратурада оқып жатыр. Өнерпаздың айтуынша, скрипка аспабына деген махаббатын бала күнінде әкесі Мұсахан Тұрынтаев оятқан.
Руслан Талас, скрипкашы, World Vision – 2022 байқауының жеңімпазы:
– Әкем мені бала күнімнен қолдап келеді. Ол өзі скрипкашы. Сондықтан күнделікті мені өзі оқытатын. Ал негізгі оқуымды Қазақ Ұлттық музыка академиясынан бастадым. Ол білім ордасына ризашылығым зор. Онда мен 5 жыл оқып шықтым. Ары қарай 12 жасымнан Мәскеудегі Орталық музыка мектебінде оқуымды жалғастырдым. Ал жақында Мәскеу консерваториясын Граф Муржаның сыныбын аяқтадым. Граф Муржа ол өте танымал скрпкашы, Қазақстанға өнер көрсетуге жиі келіп тұрады.
Жас дарын отандық сахналарда жиі өнер көрсетсем, жай өнер көрсетіп қоймай, танымал әлемдік скрипкашылардың Қазақстанға келуіне себепкер болсам дейді.
