Еуропалық компания жалпы құны 50 млрд доларға бағаланған жобаға инвестиция құюға ниетті. Маңғыстау облысының әкімдігі таратқан ақпаратқа сәйкес, қазір алдын ала техникалық-экономикалық негіздеме дайын. Қазір инвестиция алдындағы зерттеулер жасалып, нысан аумағында геологиялық-геофизикалық ізденістер, сондай-ақ Каспий теңізінің суына талдау жүргізілуде. Жобаны 2026-2032 жылдар аралығында іске асыру жоспарланған. Зауыттың қуаты 40 ГВт болады деп күтілуде. Шикізат ретінде жылына 2 млн тоннаға дейін экологиялық таза сутегі пайдаланылады, одан әрі 11 млн тонна таза аммиак шығарылады.
