Қазақстанда коронавирус жұқтырғандар саны күрт өсті. Өткен тәулікте республика бойынша инфекция жұқтырудың 110 дерегі тіркелді. Бұл алдынғы күнмен салыстырғанда шамамен екі есеге көп. Антирейтингті бастап тұрған Алматыда – 56, Нұр-Сұлтанда 29 науқас анықталды. Коронавирустың таралуына жол бермеу жөніндегі ведомствоаралық комиссия баспасөз қызметінің хабарлауынша, қазіргі уақытта елімізде 500-ден астам адам ковид инфекциясынан емделіп жатыр. Оның жүзге жуығы стационарда дәрігер бақылауына алынған. 4 адамның жағдайы ауыр. Пандемия басталғалы елімізде коронавирус жұқтырғандар саны 1 млн 306 мыңнан асты.
