Соңғы бір жылда Канада Қазақстан экономикасына құйған
тікелей инвестиция көлемін екі еседен астам арттырып, 2,2 миллиард долларға
жеткізді. Екі ел арасындағы серіктестік тек шикізат секторымен шектелмейді -
жасыл технология, агротехника және цифрлық қызметтер сияқты болашақ бағыттарда
да байланыс тереңдеп келеді.
«Дипломат өмірі» бағдарламасының жаңа шығарылымында
Қазақстандағы Канада Елшісі Кристофер Дагган осы әріптестіктің қыр-сырымен
бөліседі. Ол сондай-ақ Қазақстанның көпвекторлы сыртқы саясаты неліктен Канада
үшін маңызды екенін, франкофон фильмдерінің мәдени дипломатияны қалай күшейтіп
жатқанын және канадалық құқық қорғаушылардың тұрмыстық зорлық-зомбылықпен
күреске қалай үлес қосып жатқанын әңгімелейді.

