«Тамаша»нинг биринчи дастури 1978 йил охирларида эфирга чиққан. Ўша вақтларда марказий совет телевидениесида фақат иккита сатирик шоу бор эди, қозоқ телевидениесида эса мутлақо бўлмаган. Шунинг учун «Тамаша» қисқа фурсатда оммалашиб кетди, узоқ вақт халқ эъзозида бўлди. «Тамаша» ўттиз йил давомида эфирга узатилган. Қозоғистон телевидениесининг афсонавий сатирик шоуси – «Тамаша» эндиликда бадиий кўринишда тақдим этилади. «Жибек жўли» телеканали буюртмасига кўра Алматида «Тамаша» деб аталган телесериал суратга олиняпти.
