«Сан-Ремо» – Италияда 1951 йилдан буён ўтказиб келинаётган мусиқий фестиваль. Ушбу нуфузли тадбир туфайли кўплаб иқтидорли хонандалар катта саҳналарга чиққан. Танлов ҳар йили Италиянинг шимолий-ғарбидаги курорт шаҳарда ўтказилади. Бутун дунёга таниқли бўлган хонандалар - Адриано Челентано, Клаудио Мори ва Тото Кутуньо илк маротаба Сан-Ремо саҳнасида чиқиш қилган. Sanremo Junior болалар ва ўсмирлар учун дастлаб бундан 25 йил илгари ташкил этилган. Шундан бери ҳар йили жаҳоннинг 20 дан ошиқ давлатидан келган энг яхши ижрочилар ушбу танловда қатнашади.
