Кургак учукту дарыласа болот. Бирок, эрте аныктоо өтө маанилүү болуп саналат. Флюорография кургак учукту аныктай алат деп көбүбүз ишенебиз. Бирок флюорография өпкөдөгү өзгөрүүлөрдү гана көрсөтөт, кургак учук оорусун так аныктай албайт. Диагноз коюу үчүн дарыгерлер ооруну пайда кылган бактерияларды табышы керек. Бул үчүн какырыкты микроскопиялык изилдөө жана ПЧР сыяктуу лабораториялык ыкмалар колдонулат. Бул тесттер так натыйжаларды бергени менен, алар көп убакытты, кымбат жабдууларды жана квалификациялуу адистерди талап кылат.
Чакан конуштарда мындай мүмкүнчүлүк жок. Бул маселени чечүү үчүн казакстандык окумуштуу Дамира Канаева талыкпай эмгектенип келет. Ал өзүнүн командасы менен бирге ооруну бир нече мүнөттө аныктай турган кичинекей аппаратты ойлоп тапкан. Лабораториясы жок жерлерге (айылдар, кичи поликлиникалар) алып барып, тез диагноз коюуга болот. Аппарат адамдын ден соолугу үчүн баалуу убакытты текке кетирбестен тез диагноз коюуга жана дарылоону тез баштоого мүмкүндүк берет.
Oкшош жаңылыктар
