Алтын куймаларды белекке берүү модага айланып баратат. Серепчилердин айтымында, мындай баалуу белектер казакстандыктар арасында кеңири жайылууда. Эске салсак, Улуттук банк 2017-жылы экинчи деңгээлдеги банктар жана акча алмаштыруу жайлары аркылуу элге баалуу металлдарды сатуу программасын баштаган. Ошондон бери казакстандыктар ар кандай номиналдагы 75 миңге жакын даанасын сатып алышкан. Эң жеңилинин салмагы 5 грамм, эң оорунун салмагы 100 граммды түзгөн. Негизинен мындай куймалар Алматы, Нур-Султан жана Атырау шаарларында чоң суроо-талапка ээ. Финансисттер алардын ликвиддүүлүгүн камсыз кылуунун негизги фактору банктар менен акча алмаштыруу жайларынын алтынды кайра сатып алуу мүмкүнчүлүгү экенин айтышат. Кардарга куймалардын баасы ошол эле күнү дароо төлөнөт.
Которгон: Илгиз Жамалбеков
