Казакстанда акыркы суткада коронавирус жуктургандардын саны 1 123 адамга көбөйдү. Эң көп бейтап Караганды облусунда катталган. Covid-19 диагнозу облустун 259 жашоочусунда тастыкталды. Андан кийинки орунда Алматыда 195 жана 142 учур баш калаада катталган. Пандемия башталгандан бери өлкөдө коронавируска чалдыккандардын жалпы саны 387 миңден ашты. Саламаттык сактоо министрлигинин маалыматы боюнча, 26 миңден ашуун казакстандык коронавирус инфекциясына каршы дарыланып жатат. Алардын 10 миңге жакыны ооруканага жаткырылган.
Которгон: Илгиз Жамалбеков
