Казакстан «Алматы-Тель-Авив» багыты боюнча түз аба каттамын ачты. Бул багытта учактар жумасына 2 жолу учат. Транспорт министрлиги ачык асман режиминин аркасында каттамдардын географиясы кеңейип жатканын белгиледи. Өлкөнүн аэропортторунда ташуучулар жыштыктардын санына жана учактын түрүнө чектөөсүз каттамдарды аткара алышат. Бул соода-экономикалык, инвестициялык, туризм жана маданий кызматташтыкты өнүктүрүүнү тездетүүгө мүмкүндүк берет. Жыл башынан бери 7 миллионго жакын жүргүнчүлөр ташылган. Бул өткөн жылдын ушул мезгилине салыштырмалуу 26 пайызга көп.
Тимур Тлегенов, транспорт министрлигинин жарандык авиация
комитети төрагасынын орун басары:
-Болжол менен ошол эле тенденция акырына чейин уланат деп күтүп жатабыз. Бизде пандемияга чейинкидей 10-12% эмес, 20% болот. Бул жалпысынан өлкө үчүн, биздин өнөр жайыбыз үчүн жакшы. Башкача айтканда, жүргүнчүлөрдү ташуу жыл сайын өсүп жатат. Казакстандын аэропортторунда тейленген жүргүнчүлөрдүн саны да көбөйүүдө. Бул болжол менен 25%, бизде да ушундай өсүш бар.
Кошумчалай кетсек, кытайлык авиакомпания бир күн мурун
Алматы-Ханчжоу каттамы боюнча каттамдарды ачкан. Ал жумасына 3 жолу аткарыла турганын Жарандык
авиация комитети билдирди. Ал эми келерки айда Казакстан «Алматы – Жидда»
багытында жаңы авиакаттамдарды ачууну көздөп жатат. 2024-жылы Жапония менен
Сингапурга каттамдар аткарылып, дагы бир жылдан кийин республика менен АКШны
түз рейстер бириктирет.
Которгон: Илгиз Жамалбеков
