Казакстанда коронавирус инфекциясын жуктуруу учурлары азаюуда. Өткөн суткада өлкөдө 757 адамдан коронавирус аныкталды. Кооптуу вирустун көпчүлүк учурлары борбор калаада катталды. Нур-Султандын 181 тургунуна COVID-19 диагнозу коюлду. Андан кийин Караганды облусунда 161, Чыгыш Казакстан облусунда 67 бейтап катталды. Пандемия башталгандан бери өлкөдө коронавирусту жуктуруп алгандардын жалпы саны 403 миңге жетти. Саламаттык сактоо министрлигинин маалыматы боюнча, 1 миллион 435 миңден ашуун казакстандык коронавируска каршы вакцинанын эки компонентин тең алууга жетишти.
Которгон: Илгиз Жамалбеков
