Тәуелсіз мемлекеттің негізгі күші, күре тамыры – жастар. Себебі жас буын еңбекқорлығы мен іскерлігі мемлекеттің дамуына үлкен үлесін қоспақ. Бірақ қазіргі таңда діннің асылына үңілместен, ақиқат жолды парасатты оймен салыстырмастан құр еліктеушілікпен, немесе белгілі бір мүддеге жету үшін жат діни ағымдардың жетегіне еріп жатқанын көреміз. Осының салдарынан қаншама отбасылардың шырқы бұзылып, шаңырақтары шайқалып, берекесі қашуда.
