Бұған республикада тасымалдаушыларға «Ашық аспан» режиміне толық қолжетімділікті қамтамасыз ету арқылы қол жеткізу жоспарлануда. Сондай-ақ, мәселенің шешімі ретінде ел билігі «отын алымы» түсінігін заңнамадан алып тастауды және жалпы алғанда динамикалық баға белгілеу жүйесін реттеуді ұсынып отыр. Үкімет отырысында көлік, коммуникация және отын-энергетика кешені салаларындағы бәсекелестікті дамыту мәселелері талқыланды. Оның ішінде – мұнай өнімдерінің көтерме сауда саласындағы барлық процестерді автоматтандыру, Бірыңғай электр энергиясын сатып алушы қызметінің ашықтығын қамтамасыз ету, жеке теміржол тасымалдарын дамыту, сонымен қатар тасымалдау процесін жоспарлау және басқару процестерін автоматтандыру жөніндегі шаралар талқыланды.
