Қазақстан мен Қытай энергетикалық ынтымақтастық аясын кеңейтуге ниетті

Қазақстан Қытаймен энергетика саласында инвестициялық ынтымақтастықты тереңдетуге ниетті. Тараптардың бұл бағыттағы бірлескен жобалар әлеуетін Ел Премьер-Министрі мен аспан асты елінің CNPC компаниясының басшысы талқылады. Мәселен осы орайда Кеңқияқ – Атырау, Кеңқияқ – Құмкөл мұнай құбырларын кеңейту шаралары қаралды. Қазіргі уақытта қос ел сарапшылары қажетті есептер жүргізуде. Олжас Бектенов пен Дай Хоулян «Бейнеу – Бозой – Шымкент» газ құбырының бірінші желісін салу және іске қосу бойынша табысты іске асырылған бірлескен жобаны мысалға алып, газ саласындағы ынтымақтастықты одан әрі арттыру жағына да тоқталды. 

Веб-редактор: Нұрбек Балгүл Қайрошқызы