Қазақстан Беларуське шамамен 265 млн долларға 105 тауар позициясы бойынша экспортты
ұлғайтуға дайын. Бұл
туралы Премьер-Министр Олжас Бектенов әріптесі Роман Головченкомен кездесуінде
мәлімдеді. Ел Үкімет басшысы Еуразиялық үкіметаралық кеңес отырысына қатысу
мақсатында Минскіге барды. Қос тарап сауда-экономикалық, өнеркәсіп, АӨК,
цифрландыру салаларындағы ынтымақтастықты нығайту, сондай-ақ
мәдени-гуманитарлық өзара іс-қимыл мәселелерін талқылады. Айта кетейік, өткен
жылы Қазақстан мен Беларусь арасындағы тауарайналым АҚШ валютасында 912 млн
долларды құрады. Сондай-ақ, Олжас Бектенов «Белагро-2024» халықаралық көрмесіне
қатысып, «Еуразиялық экономикалық одақтың азық-түлік қауіпсіздігі» пленарлық
сессиясында сөз сөйледі. Шараға Ресей, Қырғызстан, Өзбекстан, Беларусь,
Әзербайжан үкіметтерінің басшылары, Армения вице-премьері, сондай-ақ,
Еуразиялық экономикалық комиссия алқасының төрағасы қатысты.
Олжас
Бектенов, ҚР Премьер-Министрі:
-Бүгінде Қазақстан әлемдік азық-түлік
экспорттаушыларының ТОП-25 қатарына кіреді. Отандық ауыл шаруашылығы өнімдері
әлемнің 80 еліне, соның ішінде Орталық Азия мен ЕАЭО елдеріне жеткізіледі. Оның
экспорты соңғы 5 жылда екі есеге өсіп, 5,4 млрд долларға жетті. Алдағы уақытта бұл
көрсеткіштерді еселей түсеміз. Қазақстан
2026 жылға қарай ауыл шаруашылығы өнімдерінің экспортын екі есеге ұлғайтуды
мақсат етіп отыр.
Веб-редактор: Нұрбек Балгүл Қайрошқызы
Сондай-ақ
