Ұлттық код қашанда трендте

Үйлену тойын жай ғана қуаныш деуге болмайды. Бұл бір әулеттің не бір отбасының ғана емес, тұтас бір ұлттың мәдениетін айшықтайтын мерейлі мейрам, үлкен қуаныш. Бүгінде мұндай салтанатты күнге нақты жоспар құрып, шебер продюсер мен зерделі ұйымдастырушының көмегіне жүгінетіндер қатары артып келеді.  

Бүгінгі той бұрынғы тойдан өзгеше. Тіпті арасындағы айырмашылық жер мен көктей. Соңғы 10 жылда ел нарығында ивент индустриясының әлеуеті өскен. Қазір той өткізу рәсімі заманауи лепке ие болып, жаңарып келеді. Той өткізетін арнайы агенттіктер құрылып, мамандар қуанышты шараны тау бөктерінде, не киіз үйде, тіпті жаңаша бір стильде ұйымдастыруды әбден меңгерген. Мамандардың айтуынша, ұлттық код қашанда трендте, сұранысқа ие. Ивент индустриясы қалай дамып келеді? Саланың хас шеберлері не дейді? Қандай ерекшіліктер бар? Culture vibe-та айтамыз!