Талдықорған – Жоңғар Алатауына жақын маңында, Қаратал өзенінің жағасында, Жетісу өңірінің қақ ортасында орналасқан шаһар. Қала киматы қысы – суық, жазы – ыстық болып келеді. Бүгінгі таңда қалада 200 мыңға жуық адам тұрады. Талдықорғанды жас қалалар қатарына жатқызуға болады. өйткені ол XIX ғасырдың II жартысында осында көшіп келген қоныс аударушылардың атсалысуымен пайда болды. Дегенмен бұл шаһардың тарихы көне заманнан бері жалғасып келеді, деген айтушылар да жоқ емес. «Дала төсіндегі Оазис қала» атанған осы шаһардың қандай құпиясы бар? «Талдықорған» атауы қайдан шықты? Шырайлы жердің тарихы қай кезеңнен бастау алады? Бұл туралы бағдарлама барысында кеңінен баяндалады.
