Бүгін Орталық Азияның ең ежелгі шаһарының бірі, Қырғызстанның Оңтүстігінде орналасқан Ош қаласына аттанамыз.
2019 жылы ТҮРКСОЙ ұйымы Ош шаһарын Түркі әлемінің мәдени астанасы деп жариялады.
Түрксой – Түрік мәдениетінің Халықаралық ұйымы. Түрік тілінде СОЙ - әулет дегенді білдіреді. Яғни түсінгеніңіздей ТҮРК СОЙ – түркі елдерінің әулеті деген мағынаға ие.
Құрамына 14 ел кіретін ұйымының басты мақсаты Түркі тілінде сөйлейтін халықтар мен елдердің арасында достық қатынастар құрып, ортақ түркі мәдениетін, тілін, тарихын, өнерін, салт-дәстүрін зерттеп, жалпыға жария ету, дамыту, сақтау, болашақ ұрпақтарға мұра ету.
