Қазақстанның тарихымен, мәдениетімен танысқысы келетін саяхатшының Оңүстік Қазақстан облысына ат басын бұрмай өтуі мүмкін емес. Бұл жерде ежелден әлемнің геосаяси картасын өзгертетіндей маңызды оқиғалар болып отырған. Сырдария талай ғасырлар бойы Ұлы дала көшпенділерінің шапқыншыларды қарсы алатын қызыл сызығы сияқты, табиғи шекараның ролін ойнап келген. Сырдария маңындағы құмдардың бүккен сыры көп. Бұл жерден Темірлан күзетшілерінің қайқы қылышы да, арабтың өрме жазуымен әрленген қанжар да, монғолдардың тамғасы да, орыс офицерінің тапаншасы да табылып қалады...
